29 сәуір академик А.Жұбановтың 117 жылдығына және «Жұбанов көктемі» фестивалі аясында  «Күй күмбірі, ән сазы» атты  аудандық байқауы ұйымдастырылды. Байқау аспатық және вокал жанры бойынша өтті.

Байқауға келген көрермендер мен қатысушылар алдымен Мәдениет үйінің алдында орнатылған А.Жұбановтың «ескерткіш бюстіне» тағзым етті. Байқауға Қандыағаш, Ембі, Жұрын, Ащысай, Мұғалжар, Сағашилі, Егіндібұлақ ауыл елді мекендерінен 23 әнші-күйшілер қатысуға өтініштерін беріп, өнерлерін ортаға салды. Аталмыш шарада көремендер А.Жұбановтың  Абай операсындағы Ажардың ариясы, «Ұмытпа», «Турксіб маршы», «Қайдасың», «Ақшолпан» әндері мен А.Жұбанов, Құрманғазының «Балбырауын», «Адай», «Би» күйлерін және қобыз аспабында А.Жұбановтың Ариясын тамашалады. Нәтижесінде әділ-қазы мүшелері барлық  қатысушылардың  өнерлерін сараптап  жеңімпаздарға  дипломдар мен  ақшалай сертификаттар және Алғыс хаттар мен сыйлықтарды табыстады.